Монгол нутаг

Ногоон модон хүрэмтэй
Хөх усан хормойтой
Баян хангай уул минь

Маш дэлгэр хангай минь
Мал сүргээр дүүрэн
Малчин олон монголчууд
Жаргал цэнгэлээр дүүрэн

Алаг цэцгийн хөнжилтэй
Алтан эрдэнийн хэвэлтэй
Ариун шимийн хөрстэй
Атар хээр нутаг минь

Урагш нийтээр давшиж
Улс даяар цэнгэлдэхэд
Уужим тал нутаг минь
Улам тэнэгэр санагдана

Ариун салхины амьсгалтай
Алтан нарны тусгалтай
Амт төгөлдөр бэлчээртэй
Агуу дэлгэр говь минь

Мандсан монгол орны
Мал сүргийн олшроход
Манай дэлгэр говь минь
Маш сайхан үзэгдэнэ

Бадрах замыг олсон
Баярын цогийг мандуулсан
Баатар дайчин зоригтой
Баян монгол жаргалтай

Орос монгол найрамдаж
Олон даяар баясахад
Орон нутгийн үзэсгэлэн
Онц сайхнаар тодорно.

Үзэсгэлэнт монгол орон